Dóra Ásgeirsdóttir og fékk sinn fyrsta hund árið 1998.
Það var hundur af tegundinni Cavalier King Charles Spaniel. Hann hét Alex og náði þeim merka áfanga að verða Íslandsmeistari í hundafimi 3 ár í röð. Annar hundurinn hennar varð svo til þess að hún fékk sýningardellu. Hann var af tegundinni Írskur setter, Blús, og hlaut hann íslandsmeistara titil fljótt eftir að hún byrjaði að sýna hann.  Síðan þá hefur hún sýnt og snyrt all nokkra hunda til meistara.

Hún hóf störf á Hundasnyrtistofunni í Dugguvogi 2 árið 2002. Seinna fór húntil Svíþjóðar sem kennelhjálp, en þá bjó hún hjá hundaræktendum og dómurum sem ráku hundasnyrtistofu í Stokkhólmi. Hún stofnaði sína eigin hundasnyrtistofu undir nafninu Hundur.is árið 2008 sem hún rak til ársins 2013, fyrst í Keflavík, síðar í Sandgerði, en síðast á Dýralæknamiðstöðinni í Grafarholti.

Dóra er reynslubolti þegar kemur að hundahaldi,  hvort sem kemur að uppeldi, snyrtingu, almennri hirðu eða þjálfun.
Hún vann um tíma á hundahóteli sem gaf henni innsýn inn í heim mjög margra mismunandi hunda.


Í dag starfa Dóra á Dýralæknamiðstöðinni í Grafarholti við afgreiðslu, þrif, móttöku, hjúkrun og afhendingu sjúklinga.

Í október 2014 lauk hún námi hjá Hundastefnunni í umhirðu, þjálfun og atferli hunda. Spennandi nám sem breytti viðhorfi hennar til hundahalds og hundaþjálfunar. 

Dóra er Formaður Leitarhunda Slysavarnarfélagsins Landsbjargar og er þar með Border Collie tíkina Orku á útkallslista í víðavangs-(A) og snjóflóðaleit(B). Tveir aðrir hundar eru í hennar eigu en það er Border Collie hundurinn Púki, sem var útkallshundur í snjóflóðaleit og svo Enska Cocker spaniel tíkin Soul, en hún er í þjálfun sem sporleitarhundur(C).

Dóra sinnir bæði námskeiðum og ráðgjöfum á vegum Hundastefnunnar.

Í augnablikinu er Dóra í fæðingarorlofi en mun snúa aftur til starfa vorið 2016 með nýtt og spennandi námskeið fyrir heimilishundinn.

Ef þú vilt hafa beint samband við Dóru sendu henni þá póst á dora@hundastefnan.is

dora